ဗုဒ္ဓဂါယာ ရောက်သည့်ခါဝယ် (သတ္တဌာန ဘုရားရှိခိုး)

20.12.2012 ရက်နေ့က မြတ်ဘုရားအဆူဆူ ပွင့်တော်မူသည့် ဗုဒ္ဓဂါယာ မြေမြတ်မဟာသို့ ကြောင်းညီညွတ်၍ ရောက်ခဲ့ပြီး၊ မြို့ဒေလီမှ လှမ်းခဲ့သည်။ သက်တော်ထင်းရှား မြတ်ဘုရားအား အခွင့်မတော် မဖူးမျော်လည်း ရောက်သည့်အခိုက် အာရုံစိုက်၍ ပုံတော်အတွင်း ဂုဏ်တော်သွင်းခါ ယုံကြည့်မြတ်နိုး ဖူးခဲ့ပြီး။ ငါ့အားကြည့်ဖြူ လှူဒါန်းသူနှင့် မလှူသူများ ခွဲမခြားဘဲ မေတ္တာများလည်း ပို့ခဲ့သည်၊  နိဗ္ဗာန်အောင်မြို့ လှမ်းဖို့ရည်၊ ဗောဓိဉာဏ်ဖြင့် ဆွတ်ခူးမည်။

                                ဗုဒ္ဓဂါယာ မြေမြတ်မဟာကို ရောက်စဉ်ဝယ် အားလုံးသောကျေးဇူးရှင် မိဘဆရာသ္မား တို့ကို သတိရမိသည်၊ ကျေးဇူးတော်ရှင် သီတဂူဆရာတော်ဘုရား (အိန္ဒိယပညာသင်စပွန်ဆာ)၊ တိပိဋကဓရ ယောဆရာတော် (ဥပဇ္ဈာယ်ဆရာ)၊ ညောင်းတုန်းဆရာတော်၊ ငယ်ဆရာဖြစ်သော အရှင်ကောသလ္လ (ဇလွန်) စသည့် စာချဆရာတော်များနှင့် ဆွမ်းဒကာ ဆွမ်းအမ ရဟန်းဒကာ ရဟန်းအမ၊ အသိအကျွမ်း မိတ်ဆွေ ညီအကို မောင်နှမ၊ တပည့်သူငယ်ချင်းအားလုံးကိုဖြစ်သည်။ သတိထားမိသည်တစ်ခုကား ကျေးဇူးတော်ရှင် မင်းကွန်းတိပိဋကဓရ ဆရာတော်ကြီးသည် ဗုဒ္ဓဂါယာ ရောက်ဖူးသည်ဟု မကြားဖူးပါ၊ (ရောက်ဖူးကောင်း ရောက်ဖူးပါလိမ့်မည်)။ ဥပဇ္ဈာယ်ဆရာတော်ဖြစ်တော်မူသော ယောဆရာတော် လုံးဝလုံးဝ မရောက်ဖူး။ အောက်ပါ သတ္တသတ္တာဟ ဘုရားရှိခိုးကြီးကို ပြုစုရေးသားခဲ့သော လယ်တီဆရာတော် ရောက်ဖူးသည့်ဟု မကြားမိ။ ဘာသာဋီကာကျမ်းပြုအကျော် တောင်မြို့ဆရာတော်ကမူ (ဓမ္မဂုတ်။ ။ ဥုးဇနကရေ……ကိုယ်တော်ရဲ့ စိတ်ထဲမှာ လူ့ပြည်လောကကို သဘောကျတာတော့ ကျသင့်ပါပြီ၊ လူ့ပြည်လောကမှာ တိုင်းပြည်နိုင်ငံတွေ အများအပြားရှိပါတယ်၊ ဘယ်တိုင်းပြည်ကို သဘောအကျဆုံးပါလဲ။

တပည့်တော် ။ ။ ဒါကတော့ အရှင်းသားဘဲ ဘုရား၊ ကုသိုလ်ရရေး ပါရမီအရေးနှင့် စဉ်းစားလျှင်တော့ အမိမြန်မာနိုင်ငံကို သဘောအကျဆုံးဖြစ်နေမှာပေါ့။

ဓမ္မဂုတ်။ ။ ဗုဒ္ဓမြတ်စွာရဲ့ အဆုံးအမ တရားတော်များပြန့်နှံ့တဲ့ နိုင်ငံတွေအများသားဘဲ, ဘာ့ကြောင့် မြန်မာနိုင်ငံကို ပို၍ သဘောကျရသလဲ။

တပည့်တော်။ ။ ဗုဒ္ဓမြတ်စွာရဲ့ သုတ္တန် ဝိနည်း အဘိဓမ္မဆိုတဲ့ ပိဋက ၃ ပုံတွင် သုတ္တန်ကိုတော့ အခြားနိုင်ငံ၌ တော်တော် လိုက်စားကြ,တော်တော်လဲ ကျွမ်းကျင်ကြပုံ ရပါထယ်၊ ဒါပေမဲ့ မြန်မာနိုင်ငံက ဆရာတော်များထက်မသာပါဘူး၊ အဘိဓမ္မာနှင့် ဝိနည်းအရာ၌ ကျွမ်းကျင်မှုမှာတော့မြန်မာ ဆရာတော်များကို အမှီပါဘူး။

ဓမ္မဂုတ်။ ။ ကိုယ်တော်က အခြားနိုင်ငံတွေကို ရောက်ဘူးလို့ ဒီလို ကောက်ချက်ချနိုင်တာလား။

တပည့်တော်။ ။ မရောက်ဘူးပါဘူး, ဒါပေမဲ့ “အသွေးမြင်တော့ အသွင်သိ,အပွေးမြင်တော့ အပင်သိ” ဆိုတာလိုပေါ့ဘုရား၊ ဆဋ္ဌသံဂါယနာ ကိစ္စတုန်းက “နိုင်ငံခြားမှ ကြွလာကြတဲ့ ဆရာတော် သံဃာတော်များနှင့် တွေ့ရလို့ စာပေရေးရာ ဝိနည်းသိက္ခာကို သိနိုင်ခွင့်ရပါတယ်၊ တပည့်တော် ကိုယ်တိုင် မရောက်ဘူးပေမဲ့ တပည့်တော်ရဲ့ ကျေးဇူးရှင်များ ဖြစ်တော်မူကြသော အဘယာရာမ ဆရာတော်နှင့် မြောင်းမြ ဆရာတော်တို့က ရောက်ရုံတွင် မက,အတော်ကြာကြာ သီတင်းသုံးတော်မူခဲ့ကြလို့ ထိုနိုင်ငံက အကြောင်းတချို့ကို ရောက်ဖူးသလောက်နီးနီး သိပြီးဖြစ်နေပါတယ်။  ) အထက်ပါ စာပိုဒ်အရ ရောက်ဘူးသည်မထင်။ စာပေ ပရိယတ္တိအကျော် ဆရာတော်ကြီးများ ဗုဒ္ဓဂါယာသို့ အဘယ်အကြောင်းကြောင့် မရောက်ကြသနည်း၊ မလာကြသနည်း၊ သူတော်ကောင်းကြီးများ၏ နှလုံးသွင်း သဘောထားကို သိလိုက်ချင်ပါဘိ။ ဒီအကြောင်းတွေကို ဘုရားဖူးဦးဆောင်လိုက်ပို့ပေးသော သူငယ်ချင်းတစ်ယောက်အား ပြောမိခဲ့သည်။ ချက်ချင်းပင် ထိုအရှင်မှ မှတ်ချက်ပေးခဲ့သည်။ (((တပည့်တော်တို့လည်း ဘုရားရှင်ပွင့်တော်မူခဲ့သည်နေရာ ဟူသော အသိနှင့် ရှိခိုးပူဇော်ရတာပါ။ တပည့်တော် စိတ်အရှိအတိုင်းပြောရရင် မြန်မာပြည်က ရွှေတိဂုံ စေတီတော်ကြီးကို ပူဇော်ရတာလောက် တပည့်တော် အားမရဘူးဘုရား၊  မြတ်စွာဘုရား သက်တော်ထင်းရှား ရှိစဉ်အခါကိုသာ အာရုံပြုပြီး ပူဇော်ပါဘုရား))) အော် ငါ့ တစ်ယောက်သာ အန္ဓပုထုဇဉ်မဟုတ်၊ ငါ့အားလမ်းညွန်နေသူလည်း ပုထုဇဉ် အစိမ်းကြီးပေကို ဟုသာ နှလုံးသွင်းခဲ့ရတော့သည်။
                   မစ္ဇျိမဒေသ ဗုဒ္ဓဂါယာ မြေမြတ်မဟာသည်ကား ယခု လက်ရှိအခြေအနေဖြင့် ပြောရပါမူ အိန္ဒိယနိုင်ငံ၏ အဆင်းရဲဆုံးသော ဒေသ တစ်ခုဖြစ်တော့သည်။ ဖုန်းတောင်းယာစကာတို့ ပေါများသည်။ ဒေသခံတို့ ပြောပြချက်အရ သူခိုး ဓါးပြ လူဆိုး လူမိုက် တို့လည်း   ပေါများသည်ဟူ၏။
                    ဘုန်းတော်ကြီးကျောင်းများ ပေါများရာ ပြည်နယ်ဖြစ်သောကြောင့် ဗီဟာ (ဝိဟာ)ပြည်နယ်ဟု ခေါ်သည်ဟူ၏။ ယခုအချိန်အခါသည်ကား အနည်းငယ်သော ဗုဒ္ဓဘာသာ ဦးရေကိုသာ တွေရပေမည်။ ရှင်တော်ဘုရား သက်တော်ထင်းရှား ချိန်ခါကာလ သမယလို့ မဟုတ်တော့မည်မာ ဧကန်မုချပင်။ မဟာဗောဓီစေတီတော်နှင့် မဟာ ဗောဓိညောင်ပင်သည် သဒ္ဓါတရား အားကောင်းကြသော မြန်မာပြည်၌ ရှိခဲ့ပါမူ၊ ယခုလို ပုံစံရှိနေမည်မဟုတ်၊ ရွှေရောင်တစ်ဝင်းဝင်းနှင့် ရွှေတိဂုံစေတီတော်ကြီးအလား ရှိပေမည်။ အဘယ်ကြောင့်ဆိုပါသော်၊ ဂျပန် ကိုးရီးယား ဗီယာက်နာမ် စင်္ကာပူ တို့လိုချမ်းသာသော နိုင်ငံများမှ ဗုဒ္ဓဘာသာဘုရားဖူးတို့သည် နေစဉ်နှင့်အမျှ လှူဒါန်းနေသည်ကို တွေခဲ့ရသည်။ မြန်မာ ထိုင်းစသော ဘုရားဖူးအဖွဲ့တို့သည်လည်း ရွာဦးက စေတီကိုတော့ လှူခြင်မှ လှူကြပေမည်၊ ပူဇော်ဖြစ်မှ ပူဇော်ကြပေမည်၊ မဟာဗောဓိစေတီကိုကား အထွဋ်အမြတ်ထား လှူခဲ့ကြသည်၊ ပူဇော်ခဲ့ကြသည်ချည်း။ သို့ပါသောကြောင့် လည်းကောင်းကုသိုလ်ရှင်များ၏ ကုသိုလ်တို့သည် ဘယ်ရောက်သွားသနည်း၊ အဘိဓမ္မာ သဘောအရ ပြောရပါမူ ကုသိုလ်ရှင်တို့ စေတနာသည်ကား ၄င်းတို့ သဏ္ဍာန်ဝယ် အချိန်အခါရောက်က ဖူးပွင့်ကြဖို့ ကမ္မသတ္တိအဖြစ်ဖြင့် ကျန်ခဲ့ပေမည်။ သို့သော် သို့သော် ယောနိသော မနသီကာရ မထားတတ်သော ကိုရင်အာယု အဘို့မူကား -- အသပြာခေါ် ဒေါ်လာရူပီး မန်းနီတို့သည် ဘယ်နေရာ ဘယ်ဒေသမှာ အကျိုးရှိလေသနည်း၊ သည်ကိစ္စနှင့် ပတ်သက်ပြီးတော့လည်း သူတော်ကောင်းကြီးများ၏ စိတ်နေသဘောသည် ဘယ်သို့ ရှိလေမည်နည်း။ သိလို့ပါ၏။

ဗုဒ္ဓဂါယာသို့ ရောက်ဖူးသည်ဟု မကြားခဲ့ဘူးသော လယ်တီဆရာတော်ဘုရားကြီးသည် ကျမ်းဂန်ပါဠိတို့ မှ ထုပ်နုတ်ခါ  အောက်ပါ ဘုရားရှိခိုးကို ရေးသားခဲ့ပေသည်။ ကြည်ညိုကြစို့လား-----

 ၁။ ဘုန်းရောင်ထွန်းထိန်၊ စောမုနိန်။  ။ ပညိနြေ္ဒ၊ ချွေရာမှန်ဘိ၊ ဗောဓိကြငှန်း၊ ရွှေညောင်နန်းဝယ်၊ ထူးဆန်းအံ့လောက် မြေမှပေါက်သား၊ ရောင်တောက်မာရ်နှင့် ရွှေပလ္လင်ထက်၊ သဗ္ဗညုတ၊ ဉာဏ်ကိုရပြီး၊ သတ္တာဟရက် ဖွဲ့ခွေလျက်ပင်၊ ငြိမ်သက်တင့်တယ်၊ သုံးစမ္ပယ်သည်။   ။ ဘုန်းကြွယ် လက်ဦးဘွယ်ပေကို။။ 

၂။ နှစ်ကြိမ်မြောက်ထ၊ သတ္တာဟတွင်၊ မာရပယ်လှန် ပလ္လင်ပျံမှ၊ ဧသန်တူရူ၊ ရပ်တော်မူလျက်၊ ကြည်ဖြူငြိမ်းချမ်း၊ ပလ္လင်နန်းကို၊ ဖြောင့်တမ်းစက္ခု၊ စိမ်းစိမ်းရှုလျက်၊ သုံးလူ့ရှင်ပင်၊ ပျော်စံရွှင်သည်။   ။ကြည်လင်ညွတ်နူး ဘွယ်ပေကို။

၃။ သုံးကြိမ်မြောက်ထ သတ္တဟတွင်၊ ဗောဓိပင်မှ၊ မြောက်ခွင်ဥတ္တရာ၊ စင်္ကြံသာ၌၊ လူးလာတုံ့ခေါက်၊ ကြွချီလျှောက်၍၊ ဘုန်းတောက်ဘုရား ပျော်စံစားသည်။ တရားဆင်ခြင်လျက်ပေကို။

 ၄။ လေးကြိမ်မြောက်ထ၊ သတ္တာဟတွင်၊ ဗောဓိပင်နှင့် ပလ္လင်ထွန်းတောက်၊ အနောက်မြောက်ဝယ်၊ အံ့လောက်ဘွယ်ရာ၊ ရတနာ ရိပ်ငြိမ်၊ စံရွှေအိမ်၌၊ ကြိမ်ကြိမ်ဘန်ခါ၊ ဘိဓမ္မာကို၊ မဟာဉာဏ သာဂရဖြင့်၊ ဗုဒ္ဓရှင်ပင်၊ သုံးဆင်ခြင်သည်။    ။ ရောင်ရှင်ခြောက်ဖြာ ညီးလို့ကို။

၅။ ငါးကြိမ်းမြောက်ထ၊ သတ္တာဟတွင်၊ ဗောဓိပင်မှ ရှေ့ခွင်ပုဗ္ဗာ ရပ်ဒိသာဝယ်၊ ကြီးစွာမြင့်ခေါင်၊ ဆိတ်ကျောင်း ညောင်၌၊ ဘုန်းခေါင်ပရမေ၊ စမ္ပါယ်နေသည်။   ။ ရိုသေမြိတ်နိုး ဘွယ်ပေကို။

၆။ ခြောက်ကြိမ်မြောက်ထ၊ သတ္တာဟတွင်၊ ပလ္လင်ရွှေညောင် အရှေ့တောင်၌၊ မြရောင်လိုလို၊ ရေညိုပြည့်လျှမ်း၊ ကြာပန်းညွတ်ရုံ၊ ပန်းမျိုးစုံသည်၊ မုဉ္စလိန္ဒာ အိုင်သာဖြန့်ကျင်း၊ ကျည်းပင်ရင်းဝယ်၊ သနင်းလူ့ဆွေ၊ စမ္ပယ်နေသော်၊ မိုးလေထန်ပြင်း သွန်းချခြင်းကြောင့်၊ မြွေမင်းရန်ဟန့်၊ ပါးပျဉ်ဖြန့်လျက်၊ ချီးအံ့တန်ခိုး၊ ဆောင်းကာမိုးသည်။ ရှေးရိုး သမ္ဘာတော်ကြောင့်ကို။

၇။ ခါသတ္တမ၊ သတ္တဟတွင်၊ ဗောဓိပင်မှ၊ တောင်ပြင်လက်ျာ၊ မြေမျက်နှာဝယ်၊ ရာဇာယတန၊ မည်ရခေါ်တွင်၊ လင်းလွန်းပင်၌၊ သဗ္ဗညုဖျား၊ ပျော်စံစားသည်။ ကြီးမားဉာဏ်တော် ဘွင့်လို့ကို။

ထိုးခုနစ်ပါး၊ အရပ်များကို၊ ရှေ့သွားသဒ္ဓါ၊ ကြည်ညိုစွာလျှင်၊ ဝန္ဒနာမာန၊ ဂါရဝဖြင့်၊ ဦးချညွတ်ကျိုး ကျွန်ရှိခိုးသည်။    ။ ကောင်းကျိုးခပ်သိမ်း ပြည့်စေသောဝ်။။။။။။။။

ကျေးဇူရှင် ဆရာတော်ကြီးများ၏ ဂုဏ်ကို အာရုံပြုလျက်--- 

ကိုရင်အာယု (မန်းသီတဂူ)