သိသလောက်ပြောမယ် သမီးငယ်

                    တစ်ရက်သော ညနေချမ်း စာရေးသူ ပန်းပင်ရေးလောင်းနေစဉ်   ယောဂီမယ်တော်ကြီးဒေါ်သန်း  (ဖားအောက်ယောဂီ) ရောက်ရှိလာပါသည်။
သူနှင့်အတူ ကားမောင်းတဲ့သူသား၊  ပြီးတော့ မြေးမလေးတစ်ယောက် လိုက်ပါလာပါတယ်။ ခန့်မန်းခြေ ၁၄ နှစ် ၁၅ နှစ်ဘဲရှိပါလိမ့်မည်။ ကားမောင်းသူနှင့် သူငယ်မလေးက သားအဖ ဖြစ်ပါတယ်။ သူငယ်မလေးက တော့
ILBC မှာ နောက်ဆုံးအတန်း နောက်ဆုံး level ကို တက်ရောက်နေသည်ဟု ပြောပါသည်။ ဒီနှစ်စာမေးပွဲအောင်လျှင် တက်စရာ အတန်းမရှိတော့ဟု သိရပါသည်။။ ဘာအတန်းတွေဆိုတာ စားရေးသူ ကောင်းကောင်းနားမလည်းခဲ့ပါဘူး ။။။
သူလေးကစပြောတာပါ။။

သမီးငယ်။       ။ ဘုန်းဘုန်း သ္မီးတို့ကျောင်းမှာ ငြင်းခုံပွဲ (debate) တွေမကြာခဏ လုပ်ပါတယ်။ အဲဒီအခါမှာ ဘာသားရေးတွေနှင့်ပတ်သက်ပြီးတော့ ငြင်းခုံကြပါတယ်။ ဗုဒ္ဓဘာသာဆိုလို့ သ္မီးတစ်ယောက်တည်းရှိတော့ ဘာပြောရမှန်းမသိဘူး။ ပြောလည်းပြောချင်တယ် အကြောင်းအရာကိုလည်း ကောင်းကောင်းမသိဘူး။ သမီးကို ဗုဒ္ဓဘာသာအကြောင်း ပြောပြပါ။။

စာရေးသူ။     ။ ဘုန်းဘုန်းသိသလောက်ပြောမယ်လေ။ ဘုန်းဘုန်းလည်း တိတိကျကျတော့မသိသေးဘူး ကြိုးစားနေဆဲပါ။ သမီးက ငြင်းခုံပွဲမှာ အနိုင်ရချင်တာမို့လား။

သမီးငယ်။      ။ ဟုတ်_ _ဘုန်းဘုန်း  ------ သမီးသူတို့ကို အနိုင်ယူချင်တယ်။

(ကလေးမလေးသည် ငယ်ရွယ်သူပီပီ အနိုင်ယူချင်တာကိုဘဲသိသည်။  ဘယ်ဟာက အနှစ်သာရ ဘယ်ဟာက အကာ အဆိုးအကောင်း အကျိုး အကြောင်း ဆိုတာ သိဖို့သည်  သူအတွက် အရေးပါသည်ဟု မထင်မှတ်ခဲ့ပါ။  သို့သော် ဘာသာရေးကို သိချင်သော စူးစမ်းချင်သော သူလေးကို ကျေးဇူးတင်နေမိသည်၊ ယခု ခေတ် ညီငယ် ညီမငယ်တို့သည်ကား ဘာသာရေးကို အလေးမထားကြတော့၊ နေမိနေရာ ဖာသိဖာသာ သဘောသာရှိကြလေသည်။။ မြန်မာရိုးရာ ယဉ်ကျေးမူဆိုသည် မှာ ဗုဒ္ဓဘာသာ ကို အခြေခံနေသည်မဟုတ်ပါလော)

စာရေးသူ။   ။ အနိုင်ယူရုံလောက်ကတော့ လွယ်ပါတယ်။ ကျကျနန သူများလက္ခံနိုင်လောက်အောင် ရှင်းပြဖို့ဘဲ ခက်တာပါ။ ဗုဒ္ဓအကြောင်းသိချင်တယ်ဆိုတာနဲ့ဘဲ သမီးကို ကျေးဇူးတွေတင်လှပါပြီ။ ပထမဆုံး သမီး ဘာသာရေးနှင့်ပတ်သက်ပြီးဘာကို သိချင်းလည်း။ ပြောပါ ဘုန်းဘုန်း ယခုမသိရင်တောင် စာအုပ်တွေဖတ်မယ် ။ မသိသေးရင် ဘုန်းဘုန်းထက်တော်တဲ့ တတ်တဲ့ ဘုန်းဘုန်းကြီးတွေဆီမှာ မေးပေးမယ် ပြောပါ။။

သမီးငယ်။      ။ ဗုဒ္ဓဘာသာနှင့် သူတို့က ဘာတွေကွာခြားပါသလည်း။။

စာရေးသူ။     ။ သမီးမှတ်ထား။ ဘာကွာခြားသလဲဆိုရင် (God center) နှင့် (Human center) ဆိုပြီးကွာတယ်။
 ( ဘီအေ နောက်ဆုံးနှစ်က သင်ခဲ့ရသည့် (Comparative study of Religions) ဘာသားရေးနိုင်းယှဉ်လေ့လာမှု  ဘာသာရပ်မှ မှတ်မိသလောက်ပြောနေမိလေသည်)
သ္မီးရေ God center ဆိုတာ လူတစ်ယောက် သတ္တဝါတစ်ကောင် အနေနှင့် ဘာတွေဘဲလုပ်လုပ် ဘာတွေဘဲ လုပ်ခဲ့လုပ်ခဲ့ အားလုံးဟာ (အမြဲတည်ခြင်းသဘောရှိတဲ့) ဘုရားသခင်အပေါ်မှာ မူတည်နေတယ်။ ကောင်းတာလုပ်လည်း ဘုရားသခင်ဘဲ မကောင်းတာလုပ်လည်း ဘုရားသခင်ဘဲ တဲ့။ သူကိုယုံကြည်လိုက်ယုံနှင့် လူသားသတ္တဝါတွေရဲ. အပြစ်အားလုံးကို ဘုရားရှင်းက ခံယူသတဲ့။ အဲဒိသဘောတရား ကို ဘာသာရေး ဒဿနပညာရှင်တွေက God center (ဘုရားသခင် ဗဟိုပြုဝါဒ) လို ခေါ်ဝေါ်ပြောဆိုကြပါတယ်။
ံhuman Center ဆိုတာကတော့ လူတစ်ယောက်ဟာ သတ္တဝါတစ်ကောင်ဟာ ကောင်းတာလုပ်လျှင် တစ်နေ့နေ့ တစ်ချိန်ချိန်မှာ ကောင်းကျိုးကို သူကိုယ်တိုင် ခံစားရမယ်။ မကောင်းတာလုပ်လျှင်လည်း မကောင်းကျိုးကို ဘယ်ဘုရားသခင်မှ ကိုယ်စားခံမည်မဟုတ်၊ မိမိကိုယ်တိုင်ဘဲ မကောင်းကျိုးကို ခံစားရမှာဖြစ်တယ်။ ဒီတော့ ကောင်း၏ မကောင်း၏ဟူသည် မိမိတို့ကာယကံရှင်အပေါ်မှာသာ မူတည်နေသောကြောင့် Human center (လူသားဗဟိုပြု ဝါဒ) လို ပညာရှင်တွေ သုံးနှုံးကြပြန်တယ်။
ဒီတော့ သမီးရေး God center ဆိုတာ ဗုဒ္ဓဘာသာမှအပ တစ်ခြားသော ဘာသာတွေပေါ့။
ဗုဒ္ဓဘာသာကိုတော့ Human Center လို့ခေါ်တယ်။ မှတ်ထားပါ။ (အတ္တာ ဟိ အတ္တနော နာထော၊ ကော ဟိ နာထော ပရော သိယာ) တဲ့ မိမိကိုယ်သာ ကိုးကွယ်ရာ၊ တခြားသူကို မကိုးကွယ်ရာ ဆိုပြီးတော့ ဘုန်းဘုန်းတို့ ဗုဒ္ဓကဟောခဲ့တာပေါ့ သမီးရယ်။။။။

သမီးငယ်၏ အဖေ
ကားဆရာ          ။    ။ ဟုတ်တယ်ဘုရား တပည့်တော်တောင် ယခုမှ အဲဒါတွေကြားဖူးတယ်ဘုရား။

စာရေးသူ။      ။        ။ ဘုန်းဘုန်းတို့က ဗုဒ္ဓဘာသာဆိုသော်ငြားလည်း မိရိုးဖလာဘဲလေ ဒကာတော်ရဲ.၊ ဘိုးဘွားမိဘတွေက ဗုဒ္ဓကို ကိုးကွယ်ခဲ့လိုသာ ဗုဒ္ဓဘာသာဖြစ်ကြတာဘဲ။ သမီးငယ် မသိတာ အဆန်းတော့ မဟုတ်ပေဘူး။။

ကားဆရာ။    ။ မှန်ပါဘုရား တပည့်တော်တို့ တော်တော်ကို ညံ့ခဲ့ပါတယ်ဘုရား။

စာရေးသူ။     ။ အဲလိုတော့ မပြောပါနှင့် ဘုန်းဘုန်းတို့လည်း တော်တော်ညံ့ခဲ့တာပါဘဲ။။ ယခုတောင် သိသလောက်လေးကို ပြောနေရတာ။ တကယ်တမ်းတော့ သေသေချာချာ ဂဂဏဏ မသိသေးပါဘူးဗျာ။။

သမီးငယ် ။    ။ ခြားနားချက်က ဒါဘဲလား ဘုန်းဘုန်း

စာရေးသူ။    ။ ဘယ်ကမလဲ သမီးရယ် အများကြီးပေါ့။ ရွှေချိန်ခွင် ဆိုတဲ့ စာအုပ်ကို ဖတ်ရမယ်။ ပြီးတော့ (about Khamma) ကံအကြောင်းဆိုတဲ့ စာအုပ်ကိုလည်း ဖတ်ရမယ်။ ဝါဒချင်းပြိုင်ဖို့ဆိုရင် မိလိန္ဒပဥှာ ဆိုတဲ့ စာအုပ်လည်း ဖတ်ရမှာဘဲ သမီးရယ်။။
ကုန်ကုန်ပြောမယ်သမီးရယ် သူတို့ကို အနိုင်ယူဖို့ဆိုရင် မင်္ဂလသုတ်ကို သမီးဖတ်ရမယ်၊ သိင်္ဂလောဝါဒသုတ်ကို သမီးဖတ်ရမယ်၊ ဒီတရားတော်တွေကို ဘယ်သူဟောခဲ့လဲ၊ (၃၈)ဖြာမင်္ဂလာတရား သိင်္ဂလောဝါဒ သုတ်က ကျင့်ဝတ်တွေဆိုတာ ဗုဒ္ဓဘာသာဝင်တွေအတွက်သက်သက် မဟုတ်ဘူး၊
အားလုံးသော(သားသ္မီးနှင့် မိဘ၊ ဆရာနှင့်တပည့် စတဲ့ အပေါင်းအသင်းတွေနှင့် မကင်းနိုင်တဲ့)  လူသားတွေအတွက် ရှင်တော်ဗုဒ္ဓက ဟောခဲ့တာဖြစ်တယ်။
(သမီးငယ်ဘာမျှမမေးတော့၊ တစ်စုံတစ်ခုကို တွေးတော နေဟန်ရှိသည်)
သမီးသိချင်တာတွေ ရင်ထဲမှာ အများကြီးရှိမယ်ဆိုတာ ဘုန်းဘုန်းသိတယ်။ ဗုဒ္ဓအကြောင်းသိချင်ရင် ဒီနေ့တစ်ရက်တည်းနဲ့တော့ မပြီးဘူး၊ သမီးစာတွေများများဖတ်ရမယ် THE BUDDHA ဆိုတဲ့ ဆောင်းပါးတွေ အများကြီးရှိတယ်၊ သီတဂူဆရာတော်ကြီးလည်း ရေးထားတယ်၊ နိုင်ငံခြား ပထမ သာသနာပြု ဆရာတော် အရှင်သေဋ္ဌိလလည်း ရေးထားတာရှိတယ်၊   ဒေါက်တာဝါပုလရာဟုလာ ရေးထားတာလည်းရှိတယ်၊   အရှင်နာဒရထေရ ရေးထားတာလည်းရှိတယ်၊ သမီးက မမေးတော့ ဘုန်းဘုန်းလည်း ဘာပြောရမှန်းမသိတော့ဘူး၊ နောက်များမှာ သိချင်တာလေးရှိရင် စာလေးနဲ့ ရေးမှတ်ထား၊ ဘုန်းဘုန်းကိုပြောပြ၊ ဘုန်းဘုန်းက စာအုပ်ထဲမှာရှာပေးမယ်နော်။။

သမီးငယ်။      ။ ဟုတ်ကဲ့ပါဘုန်းဘုန်း။

စာရေးသူ။     ။ မတူတာတော့ သမီးသိရပြီး။ တူတာလေကော  မသိချင်ဘူးလား?

သမီးငယ်၊၊    ။ဘုန်းဘုန်းပြောတော့ မတူဘူးဆို။

စာရေးသူ။      ။ ဟုတ်ပါတယ်ခင်ဗျာ။ သမီးက "ဗုဒ္ဓဘာသာနှင့် သူတို့က ဘာတွေကွာခြားပါသလဲ"? လို့မေးတော့၊  ဒါတွေကွာတယ်လို့ ဘုန်းဘုန်းသိသလောက်မတူတာတွေကို ပြောပြီးပြီလေ။ သမီးက ဘာတွေတူသလဲလို့မှ မမေးသေးတာ။ အဲဒါပြောမလို့၊ သေချာမှတ်ထားနော်။

(အဖွားနှင့် ကားဆရာကတော့ ရယ်နေကြလေပြီ။)

သမီးငယ်။    ။  သမီးမှတ်ထားပါ့မယ်။

စာရေးသူ။    ။ သုံးချက်တူတယ် (တူတယ်ဆိုတာလည်း အပေါ်ယံတူတာပါ ၊ ရည်ရွယ်ချက် နှင့် စိတ်နေသဘောထားတွေကတော့ မတူကြပါဘူး။)
ဘာတွေတူလဲဆိုတော့
၁။ Believe = ယုံကြည်မှု အားကိုးမှုဖြစ်တယ်။
၂။ Worship =ရှိခိုးဦးချ၊ အရိုအသေပေးမှုဖြစ်တယ်။
၃။ Pray = ဆုတောင်းမှု၊ ဆန္ဒပြုမှု ဖြစ်တယ်။ ဒီသုံးခုဟာ ဘာသာတိုင်းမှာရှိကြတယ်။ ဘာသာဝင်တိုင်းဟာ (ဘာသာပေါင်းစုံ) သူတို့ရဲ့ ဆိုင်ရာ ဆိုင်ရာဘုရားသခင်အပေါ်မှာ ယုံကြည်မြတ်နိုးအားကိုးကြတယ်။ ယုံကြည်သည့်အားလျော်စွာ ရှိခိုးဦးချ အရိုအသေပေးကြတယ်။ ပြီးတော့ ဖြစ်ချင်တာတွေကို ဘုရားရှင်ဆီးမှာ တောင်းခံခြင်းဆိုတဲ့ ဆုတောင်းမှု ဆန္ဒပြုမူတွေ လုပ်ကြတယ်။  ဘုန်းဘုနုးတို့တွေ မဟာမုနိဘုရားရှေမှာ  ဦးသုံးကြိမ်ချ၊ ရွတ်ဖတ် ပြီးတော ဆုတွေတစ်သီတစ်တန်းကြီး တောင်းသလိုပေါ့ သမီးရယ်။။ အဲဒီသုံးချက် တူကြတယ်။  သို့သော် တူတော့ တူတယ် ထူးပါတယ် ။

ကားဆရာကြီး။      ။ ဆက်ပြောပါဘုရား တပည့်တော်သိချင်လှပြီ။ တော်တော်စိတ်ဝင်စားဖို့ကောင်းပါတယ်။
( ယောဂီမယ်တော်ကြီးကလည်း ဆက်ပြောပါဟု မပြောသော်လည်း ပြောသကဲ့သို့ ခေါင်းတညိတ်ညိတ်နှင့်)

 စာရေးသူ။     ။ ယုံကြည် ရှိခိုး ဆုတောင်းကြတာတော့ တူတယ်။ ယုံကြည်တဲ့နေရာမှာ ဘုန်းဘုန်းတို့ဗုဒ္ဓဘာသာတွေက (တပည့်ကောင်းတစ်ယောက်က ဆရာကောင်းတစ်ယောက်ကို ယုံသလို) ဗုဒ္ဓကို ဆရာသ္မားကောင်းတစ်ယောက်အနေနှင့် ယုံတယ်။ ကောင်း၏ မကောင်း၏ကို ညွန်ပြပေးတယ်၊ အကောင်းနှင့် အဆိုး ကြောင်းနှင့် အကျိုးကို ညွန်းပြပေးခဲ့တယ်။  မင်္ဂလသုတ်ကို ဟောခဲ့တယ်။ သိင်္ဂါလသုတ်ကိုဟောခဲ့တယ်။ (ဘုန်းဘုန်းတို့ ဉာဏ်နှင့် လက်လှမ်းမမီသေးတဲ့ ရုပ်တရား နာမ်တရား အဘိဓမ္မာတရား ဆိုတာတွေ နိဗ္ဗာန် ရောက်ကြောင်းနည်းလမ်းကောင်းတွေ ကိုလည်းဟောခဲ့တယ်) ဆရာတစ်ယောက်လို သွန်သင်ပြသ ဆုံးမခဲ့တယ်။ အဲဒီလို ဗုဒ္ဓကို ဆရာတစ်ဆူအနေနှင့် ယုံကြည်တယ်။ ယုံကြည်သည့်အလျောက် ရှိခိုးဦးချတယ်။ ဆန္ဒတွေပြုကြတယ်။
ဗုဒ္ဓကို ယုံကြည်ဦးချ ကန်တော့လျှင် ဗုဒ္ဓက ဘုန်းဘုန်းတို့နေစဉ်လုပ်နေတဲ့ ကောင်းမူ မကောင်းမူ တွေကို ချေဖျက်ပေးမယ်။ ဗုဒ္ဓက ဘုန်းဘုန်းတို့ ဒုက္ခရောက်နေရင် ဗုဒ္ဓက ကယ်မယ် ဆိုတဲ့ ရည်ရွယ်ချက်နင့် ယုံကြည် ဦးချ ဆန္ဒပြုတာမဟုတ်ဘူးနော်။
ဥပမာ တစ်ခုပြောမယ်လေ၊။ သမီးစာမေးပွဲဖြေတဲ့အခါမှာ သမီးဆရာမက သမီးနေရာမှာ ဝင်ဖြေပေးလို့ရသလား။။

သမီးငယ်။      ။ သမီးကိုယ်တိုင်ဖြေတာပါနော်။

စာရေးသူ။     ။ သမီးကို ယုံပါတယ်။ သမီးဆရာမက သမီးကိုယ်စား စာမေးပွဲဝင်ဖြေလို့ မရသလို။ သတ္တဝါတွေရဲ့ဆင်းရဲကိုလည်း ဘယ်ဗုဒ္ဓကမှ ကိုယ်စားဝင်ယူလို့မရဘူး။ တစ်ခြားဘာသာမှာတော့ ဘုန်းဘုန်းမပြောတတ်ဘူးလေ။ သမီးကိုယ်တိုင်လေ့လာပေါ့။ အဲဒီတော့ ဘုန်းဘုန်းတို့ ဗုဒ္ဓကို ကိုးကွယ်တဲ့နေရာမှာ နည်းလမ်းကျဘို့ လိုပြီနော်။ ဘယ်လိုစိတ်နေသဘောထား ရှိရမယ်ဆိုတာလည်း သမီးသိပြီနော်။ သာမာန် ဘာသာရေးဆိုတာထက် ပိုရမယ်နော်။

သမီးငယ်။      ။ဟုတ်ကဲ့ပါဘုန်းဘုန်း သမီးနားထောင်နေပါတယ်။

စာရေးသူ။       ။ အဲဒီတော့ သမီးရယ်  သာမာန်ဘာသာရေးဆိုတာ (အာလုံးသောလူတွေ နားလည်သဘောပေါက် ထားကြတဲ့  ကိုးကွယ်မှု ဘာသာရေးဆိုတာ ) အကြောက်တရားကနေ ဖြစ်လာတာလို့ ဘုန်းဘုန်းတို့ ဗုဒ္ဓက ဟောတော်မူခဲ့တယ်။ ဗဟုံ ဝေ သရဏံ ယန္တိ၊ ပဗ္ဗတာနိ ဝနာနိ စ။ အာရာမရုက္ခစေတျာနိ ၊ မနုဿာ ဘယတဇ္ဇိတာ။ တဲ့။ ဘာသာတရားလို့ခေါ်တဲ့ ကိုးကွယ်မူတွေဟာ အကြောက်တရား (fear) ကြောက်စိတ် ကနေ ပေါ်ပေါက်လာတာတဲ့ဗျာ။ တောတွေ တောင်တွေထဲသွားတော့ သစ်ပင်ကြီးတွေအနားဆို အပေါ့အလေး မစွန့််ရဲဘူးလေ။ (မမြင်ရသော) တစ်စုံတစ်ယေက်က (မမြင်ရသော) တစ်ခုခုကို လုပ်လိုက်မာကိုကြောက်တယ်။ အဲဒီသစ်ပင်ကြီးကို (ကန်တော့ ကန်တော့ ) ဆိုပြီး ကိုးကွယ်တော့တာပဲ။ ကိုကြီးကျော်ကို ကိုးကွယ်တဲ့သူတွေကလည်း နတ်ပွဲမသွားရင် စီးပွားရေးတစ်ခုခု (စသည်ပေါ့လေ) ပျက်မှာ မအောင်မြင်မှာ ကြောက်လို့ ကိုကြီးကျော်ကို ပူဇော်တယ်။ ပသတယ်၊ ကိုးကွယ်တယ်။ တစ်ချိုက ရေနစ်မှာကြောက်လို့ မြစ်တွေကို ပူဇော်ပသ ကိုးကွယ်ကြတယ်၊ တစ်ချိုက နတ်ကိုင်မှာကြောက်တော့ နတ်ကွန်းတွေဆောက်ပြီးတော့ ပူဇော်ပသ ကိုးကွယ်ကြတယ်။(ဒီလို ကိုးကွယ်မှုတွေဟာလည်း Religion တစ်မျိုးပါပဲ။)
ဘုန်းဘုန်းတို့ ဗုဒ္ဓကို ပူဇော်တာက အဲဒီအကြောက်တရား မပါဘူးနော်။ ဗုဒ္ဓက သူ့ကို မကိုးကွယ်လဲ ဘာမှပြန်မလုပ်ဘူး။ ကိုးကွယ်ရင်လည်း ဘာမျှ မကူညီပါဘူး။                                       မကူညီရင် ဘာကြောင့်ကိုးကွယ်သလဲဆိုတော့ အကောင်း အဆိုး အကြောင်း အကျိုး တွေကို ဟောခဲ့လို့ပါပဲ။ ဗုဒ္ဓဟောခဲ့တဲ့ အဲဒီတရားတွေကို နာခွင့်ရတော့ အကောင်းအဆိုး အကြောင်းအကျိုးကို နားလည်လာတယ်။ နာလည်းလာတော့ လက်တွေ့ကျင့်သုံးတယ်၊ လက်တွေ့ ကျင့်သုံးတော့ ကောင်းကျိုးတရားတွေရတယ်။
ဒါဟာ သွယ်ဝိုက်သောအားဖြင့် ဗုဒ္ဓက ကူညီနေတာပါ။ အဲဒါကြောင့် ဆရာသမား အနေနှင့် ဗုဒ္ဓကို ကိုးကွယ်ခြင်းဖြစ်တယ်။။ ဒီနေရာမှာ အကြောက်တရား (fear) ဆိုတာ လုံးဝမပါဘူးနော်။။။။
   ဒါကြောင့်လည်း တစ်ချို့ တစ်ချို့သော ပညာရှင်ကြီးတွေက (Buddhism is not Religion) ရယ်လို့ ဆိုကြပြန်တယ်။။ သာမာန်ဘာသာရေးဆိုတဲ့ ယုံကြည်မူ၊ ကိုးကွယ်ဆည်းကပ်မူ၊ ဆုတောင်းမူတွေထက် သာလွန်ကောင်းမြတ်တဲ့ အတွက်ကြောင့်ဖြစ်တယ်။။
ကဲ သမီးရေ -- ဒီနေ့တော့ ဒါလောက်ပဲနော်။ သမီးမှတ်ရတာတွေများနေမယ်လိမ့်မယ်။  နောက်များသိချင်တာကို မှတ်လာခဲ့ပါ ၊ ကြုံတော့ ပြောကြသေးတာပေါ့။

သမီးငယ်။     ။ မှန်ပါဘုရား တပည့်တော် ဦးတင်ပါတယ်ဘုရား။

ဖွားဖွား နှင့်ကားဆရာ။    ။ တပည့်တော်တို့ကို ပြန်ခွင့်ပြုပါအုံးဘုရား။
စာရေးသူ။     ။ ကောင်းပါပြီးဗျာ ကောင်းပါပြီ ကောင်းပါပြီ။။။

မှတ်ချက် (သူတို့တွေပြန်သွားကြသောအခါဝယ် စာရေးသူ၏ စိတ်အစဉ်၌ ဟိုတွေးဒီတွေးဖြင့် အတွေးသံသရာတစ်ကျောဝယ် နစ်မြောနေမိလေတော့သည်။။။။    ခေတ်ပညာတတ်ဖို့ ပိုက်ဆံတွေအကုန်အကြခံကာ နိုင်ငံတကာကျောင်းမှာ ထားသော်လည်း ခေတ်ပညာတော့ ရပေမည်။ (-------------------------------------------------------------------------------------------------------
---------------------------------------------------------------------------------- )
    သို့သော် လူမိုက်ဆိုလျင် ရှောင်သွေလွဲလို့ မမှီဝဲနဲ့ ကင်းအောင်နေ ပညာရှိကို အရှည်တွဲလို့ မှီဝဲဆည်းကပ် နည်းယူစေ သုံးပါးရတနာ မိဘများနှင် ဆရာသ္မားကို ပူဇော်လေ အစရှိတဲ့ ကလေးများအတွက် မင်္ဂလာသုတ်တို့ သီးပွင့်ရာ ဗုဒ္ဓဝစနတို့ ရှင်သန်ရာ မွေးရပ်မြေက ရွာဦးကျောင်းလေးကိုပဲ မြင်ယောင်နေမိလေတော့သည်။ ရွာမှ ကလေးများသည် အေဘီစီ မတတ်သော်လည်း ဗုဒ္ဓရှင်တော်ဘုရား၏ မင်္ဂလသုတ်၊ ဖိုးသူတော်ဦးနုစကားပုံ၊ သိင်္ဂလောဝါဒ၊ ရှင်မဟာသီလဝံသ၊ ရှင်မဟာရဋ္ဌသာရ ဆုံးမစာ တို့သည် သူတို့လေးတွေး၏ တေးသံများ------------------ -----  ။။။။

မျိုးဆက်သစ်သို့မှာတမ်း

 အိုးမဖုတ်ခင် အိုးလုပ်စဉ်ဝယ်
အိုးတွင်နှိပ်ခတ် တံဆိပ်မှတ်က
မပြတ်မစဲ အိုးပင်ကွဲလည်း
အမြဲတစေ တည်ရှိနေသို့
ထွေထွေသွေးသား ကလေးများ၌
ဘုရားတံဆိပ် ဘာသာစိတ်ကို
ခပ်နှိပ်နိုင်မှ သက်ဆုံးကျအောင်
ဗုဒ္ဓဝါဒီ စွဲ၍တည်မည်
ကိုယ်စီခပ်နှိပ် စေသတည်း။။
                           ဘာသာဋီကာ ဆရာတော်
                                  

                                                          
                                                                
                                                               သီတဂူစမ်းလပမာ ချမ်းမြသာယာ ရှိကြပါစေ။။။။။။။။။။                                                                                      ကိုရင်အာယု( မန်းသီတဂူ)