သိကြားမင်းက လေးစားရသူများ

၁။ သီလနှင့် ပြည်စုံသော ရဟန်း
၂။ ကောင်းမူပြုသော လူ
၃။ ကိုယ်ကျင့်သီလရှိသော လူ
၎။ ရတနာသုံးပါးကို ဆည်းကပ်သော လူ
၅။ သမ္မာအာဇီဝ အလုပ်ဖြင့် သားမယားကို လုပ်ကြွေးသော လူ။

ထိုသူတို့အား မိုးသိကြားသည် နန္ဒဝန် ဥယျာဉ်သို့ မဝင်မှီ ၊ ဝေဇယန္တာပြဿဒ်မှ ဆင်းသက်ခါ ရှိခိုး ဦးတိုက်လေ့ရှိသည်ဟူ၏။

သဂါထာဝဂ္ဂပါဠိတော်။ သက္ကသံယုတ်။ ဂဟဋ္ဌဝန္ဒနာသုတ်။
- ---- ---- --- -- --- -- -- -- -- -- -- -- - - - - -

ဓါတ်ပုံ - ပဝတီတောင်မှ မြင်တွေ့ရသည့် ပူနေးတောရ အနောက်ပိုင်း

သိကြားမင်း ဖြစ်လို့ပါသလား

သိကြားမင်းဖြစ်လို့သော် ဖြည့်ကျင့်ရမည့် အရာများ။

၁။ အသက်ထက်ဆုံး မိဘကို လုပ်ကျွေးခြင်း။

၂။ အသက်ထက်ဆုံး မိမိတို့၏ ဆွေမျိုးထဲမှ ကြီးသူတို့ကို ရိုသေခြင်း။

၃။ အသက်ထက်ဆုံး ချိချိုသာသာ ပြောဆိုခြင်း။

၎။ အသက်ထက်ဆုံး ကုန်းချောစကားကို မဆိုခြင်း။

၅။ အသက်ထက်ဆုံး ဝန်တိုခြင်းကင်းသော စိတ်ဖြင့် နေထိုင်ခြင်း။

၆။ လွတ်လွတ်ကျွတ်ကျွတ် ပေးကမ်း စွန့်ကြဲခြင်း။

၇။ အသက်ထက်ဆုံး မှန်ကန်သော စကားဆို၍ အမျက်မထွက်ခြင်းတို့ ဖြစ်ပေသည်။´

ထို့ပြင်၊ 

၁။ အစဉ်အလာကောင်းများကို ထိန်းသိမ်းခြင်းဖြင့် ပူဇော်ရမည်။

၂။ မိဘကို ပြုစုလုပ်ကြွေးခြင်းဖြင့် ပူဇော်ရမည်။

၃။ ဆရာသမားတို့အား လေးစားမြတ်နိုးခြင်းဖြင့် ပူဇော်ရမည်။

၎။ တစ်ပါး သူများကို လေးလေးစားစား ဆက်ဆံခြင်းဖြင့် ပူဇော်ရမည်။ 

၅။ အခြားသက်ရှိ သတ္တဝါတို့ နှင့် သဘာဝတောတောင်ရေမြေအား ထိန်းသိမ်း ပြုပြင် စောက်ရှောက် ကာကွယ်ခြင်းဖြင့် ပူဇော်ရမည်။

အထက်ပါအချက် တို့အား 

၁။ အားသွန်ခွန်စိုက် အားထုပ်ခြင်း

၂။ အဆက်မပြတ် မခိုမကပ် အားထုပ်ခြင်း

၃။ ကြာမြင့်စွာ အားထုပ်ခြင်း

၎။ ရိုရိုသေသေ အားထုပ်ခြင်း။ ဟူသော ဝိရီယ လေးပါဖြင့် အားထုပ်ပါက သိကြားမင်း ဖြစ်ပေလိမ်မည်။ 

(ဦးရွှေအောင် ဓမပဒ။ နာ ၃၆၀)

ကိုရင်အာယု ပူနေးတောရ 13.01.2015

မီးသတ်ကားကြီး မီးလောင်နေ

သည်စကားကိုကြားရတော့ လွန်ခဲ့သောနှစ်ပေါင်း (၃၅) နှစ်က အဖြစ်အပျက် အာရုံများဆီသို့ အသိစိတ်တို ပြန်လည်ရောက်ရှိသွားသည်။

((ဗိုလ်ချုပ်အိမ် မီးလောင်))

စာရေးသူတို့ နတ်မောက်မြို့၊ အောင်ဆန်းရပ်၌ ၁၉၄၇ -ခုနှစ်၊ ဧပြီလ (၈) ရက်နေ့၊ နေ့လယ် (၁) နာရီသာသာအချိန် ဗိုလ်ချုပ်အိမ်အရှေ့ ဘက်နားက မီးစတင် စွဲလောင်နေသည်ကို ခပ်ဝေးဝေးမှ ပင် မြင်တွေကြရသည်။
သမိုင်းဝင်ဗိုလ်ချုပ်တို့အိမ် မီးလောင်မှာ စိုးရိမ်ကြသည့်အတွက်၊ ဗိုလ်ချုပ်တို့ အိမ်အနီးသို့ မီးသတ်ကားကြီး အလောတကြီးရောက်ရှိလာသည်။ ဗိုလ်ချုပ်အိမ်နီးသို့ရောက်လာသည်နှင့် မီးသတ်ကားကြီးသည် စက်ရပ်ကာ ပျက်သွားတော့သည်။
မီးကလည်း အရှိန်ပြင်းစွာ လောင်လာသည်။ မီးသတ်ရန် မောင်းနှင်လာသည့် ကားကိုပင် မီးစတင်လောင်လာသည်။ သို့နှင့် မီးသတ်ကားကို ခပ်မြန်မြန်တွန်းထုတ်ခဲ့ကြရသည့် မြင်ကွင်းကို ယနေ့တိုင် မမေ့နိုင်ဘဲ ရှိနေသည်။ ဗိုလ်ချုပ်အိမ်နှင်တကွ အတော်များများ ဟန့်တားသည့်ကြားမှပင် မီးလောင်တော့သည်။
ရန်ကုန်မြို့ မီးလောင်မှုများ၌လည်း မီးသတ်ကားကို မီးလောင်ကြကြောင်း မကြာခဏကြားသိရသည်။ မီးသတ်ကား မီးလောင်သည့်နေရာတို့၌ အလွန်ဆိုးဝါးကြောင်းကို ပြသရာ ရောက်သည်။

((မီးသတ်ကား မီးလောင်))

ထိုနည်းအတူ စာရေးသူ၏ ယမိုက်နှင့် ပဋ္ဌာန်းပို့ချစဉ်များကို အခြားသောသူတို့အားလည်း နားထောင်ပြီးလေ့လာနိုင်ရန် အသံဖမ်းပါသည်။ စာချသောအခါ စိတ်ကို အတတ်နိုင်ဆုံး သည်းခံပြီး ပို့ချပါသော်လည်း စိတ်ဆိုးစရာများနှင့် အကြိမ်ကြိမ်ကြုံတွေ့ရသောအခါ အော်ငေါက်ရသည်များလည်းရှိသည်။
ထိုအသံဖမ်းဓါတ်ပြားကို နိုင်ငံတစ်ဝှမ်းလုံးသို့ ပေးပို့လှူဒါန်းလိုက်သောအခါ စာရေးသူ၏ ရုပ်ဆိုး အကျည်းတန်ချက် ဒေါသများကို လှည့်လည်ပြသလိုဖြစ်သွားခဲ့၍ "ငါ့မှာလည်း မီးသတ်ကားမီးလောင်နေပါပေါ့လား၊ ဆွမ်းဆန်ထဲ ကြွက်ချေးရောသလိုမျိုး ကုသိုလ်တရားထဲ အကုသလိုလ်တွေ အတုံးလိုက်ပါနေပြီ" ဟု ဆင်ခြင်ကာ မီးထပ်မလောင်စေရန် အထူးသတိပြုရတော့သည်။
တရားအမျိုးမျိုး ဟောပြောချီးမြှင့်ကြသည့် အချို့သော နိုင်ငံကျော် ဓမ္မကထိက ဆရာတော်တို့လည်း တရားနာပရိသတ် ရှေ့မှာပင် ဒေါသ အိုးများ ပေါက်ကွဲပြီး၊ အော်လား ဟစ်လား ဖြစ်နေသည်ကို တွေ့ရှိရသည်။ အချို့သော ပုဂ္ဂိုလ်များဆိုပါလျင် အော်ဟစ်ကာ ငေါက်ငန်းပြီး တရားမဟောတော့ဘဲ ပလ္လင်ပေါ်မှ ဆင်းသွားသည်ဟု ပြောသံကြားဖူးသည်။ မီးသတ်ကားကြီး မီးလောင်လိုက်ပုံကတော့ အကျည်းတန်လွန်းလှသည်။
ဆရာဇော်ဂျီ၏ "သူလည်းလေ လောကီသားပေမို့" ဟူသော ကဗျာအတိုင်းပင် "ပုထုဇဉ်တို့၏ သဘောမျှသာ" ဟု သဘောထားလိုက်လျှင် ကောင်းပေလိမ့်မည်။
တကယ်တန်းပြောရလျင် သူတစ်ပါးတို့၏ လောဘမီး၊ ဒေါ်သမီးစသည်များကို ငြိမ်းသတ်ရန် တိုက်တွန်းဟောပြောသူတို့နှင့် လောမီး ဒေါသမီး တို့ တစ်ဟုန်းဟုန်းတောက်လောင်မှုကတော့ မလိုက်ဖက်သည်ကတော့ အမှန်ပင်ဖြစ်သည်။
မာဃဒေဝလင်္ကာ၌လာသော
"မီးပြသမား တွင်းကျမှားသို့" ဟူသည့် အတိုင်း မီးသတ်ကား မီးစွဲလောင်မှုများပင် ဖြစ်သည်။
လိုချင်လွန်း၊ ရချင်လွန်းသည့် လောဘမီး၊ ဖြစ်ချင်တာမဖြစ်လို့ အလိုမကျသည့် ဒေါသမီး စသည်တို့ မိမိသဏ္ဍာန်၌ မလောင်စေရန်၊ လောင်လျှင် လည်းဖြစ်ကြောမရှည်ရန် သတိပြု ဆင်ခြင်ရပေလိမ့်မည်။

ပဋ္ဌာန်းအလင်းရောင်ဆရာတော်
ပါ ညောင်းတုန်းကျောင်းတိုက်
ဗဟန်းရန်ကုန်
====
ဆရာတော်၏ ခြေတော်အစုံမှ မြေမှုန့်တို့သည် ကျွန်ုပ်၏ ဦးခေါင်း၌ တည်ပါစေသား
ကိုရင်အာယု (ပူနေးတောရ)

ကြယ်တွေဆုံတဲ့ နေ့

 ဒီနေ့ ၁၃၇၅ - ခု ကုဆုန်လပြည့်ကျော် (၉) ရက် တနင်္ဂနွေနေ့၊ ကိုရင်အာယုတို့ ချပါတီဆွမ်းစားကြွခါနီးချိန်၊ မြန်မာပြည်က ကျောင်းသားလေးများ နေဆွမ်းလာကပ်ကြပါတယ်။ မနေ့ကတည်းက ကိုယ်တော်တစ်ပါးနှင့် ချိတ်ဆက်ထားပါသတဲ့၊ ပူနေးတောရမှာ ရှိကြတဲ့ မြန်မာရဟန်းတော်များအားလုံးကို ဆွမ်းကပ်ကြပါတယ်။ သိတော်မူကြသည်အတိုင်း အမ်ဖီးသ္မားများကလည်း သူတို့ကျောင်းအချိန် သူတို့သွား၊ အမ်အေ သ္မားများကလည်း သူတို့အချိန်နှင့် သူတို့ဆိုတော့၊ အတူလက်ဆုံ မစားနိုင်ကြတဲ့ဘဝလေးဟာ ဒီနေ့တော့ဖြင့် လက်ရေတပြင်တည်း ရှိခဲ့ပါတယ်၊
ဆွမ်းစားရင်နှင့် ကျောင်းသားလေးများကို မေးကြည့်တော့ သူတို့ဟာ စစ်သားလေးများဖြစ်ကြပါတယ်၊ စစ်သားများဖြစ်သော်လည်း၊ ကြမ်းကြမ်းတမ်းတမ်းမရှိ၊ ယျဉ်ကျေးသိမ့်မွေကြသည်ကို တွေရပါတယ်။ ဒါကြောင့်လည်း သံဃာတော်များကို လှူရကောင်းမှန်း သူတို့သိနေကြတယ်၊ သူတို့လေးတွေရဲ. မိဘတွေဟာလည်း သူတော်ကောင်းတွေဖြစ်ကြပေလိမ့်မည်ဟု တွေးခဲ့မိပါတယ်။

 ကျောင်းတက်ရင်နှင့် မိမိတို့ မုန့်ဖိုးလေးများကိုစုပြီး ဆွမ်းလှူဒါန်းကြတယ်ဆိုတာ အံ့သြစရာ၊ ဝမ်းမြောက်စရာ၊ ဂုဏ်ယူစရာတစ်ခုလည်းဖြစ်ပါတယ်၊ တကယ်တမ်းဆို သူတို့ အသက်၊ သူတို့အရွယ် လူငယ်တော်တော်များများဟာ၊ မိဝေးဘဝေးဖြင့်၊ တိုင်းတစ်ပါးမှာ အပျော်အပါး လိုက်စားရင် အချိန်ကုန်ကြမည် မဟုတ်ပါကလား။
သူတို့လှူဒါန်းကြတဲ့ ဟင်းလျှာတွေကတော့ ဝက်သားဟင်း၊ စိမ်းကျော်၊ ငါပိထောင်း၊ နှင့် စပျစ်သီး၊ နာနတ်သီး အချိုပွဲများဖြစ်ပါတယ်။ ကိုယ်တိုင်ကိုယ်ကျ ချက်ပြုခဲ့ကြပါသတဲ့ဗျာ၊ စစ်သားတွေက ထမင်းလည်း ချက်တတ်ပါသကော။
နာမည်တွေကို မေးကြည့်တော့
မောင်တင်အောင်ဟိန်း (ရန်ကုန်)၊
မောင်ရဲမြအောင် (ပုသိမ်)၊
မောင်ဝင်းအောင် (မြင်းခြံ) လို့သိရပါတယ်။
သူတို့လေးတွေဟာ ပူနေးမြို့ ကောလိပ်တစ်ခုဖြစ်တဲ့ Armed forces Medical college (AFMC) မှာ ကျောင်းတတ်နေကြတဲ့ ဆေးကျောင်းသားစစ်သည်တော်များဖြစ်ကြပါတယ်။
သံဃာတော်များ ဆွမ်းဘုန်းပြီးတဲ့ အချိန်မှာတော့၊ သူတို့လေးတွေ အားရပါးရ စားသောက်နေကြသည်မှာ စစ်သားများနှင့် မတူ၊ ဘုန်းကြီးကျောင်းသားတွေနှင့်သာ တူနေပါတော့တယ်။
ရဟန်းတော်အများစုဟာလည်း သီတဂူသံဃာတော်များ ဖြစ်သည့်ကတစ်ကြောင့်၊ ဆွမ်းဒကာ ကျောင်းသားသုံးယောက်ကလည်း စစ်သည်တော်လေးများ ဖြစ်သည်ကတစ်ကြောင်း၊ အကြောင်းကြောင်းကြောင့် သီတဂူကြယ်စင်များနှင့် စစ်သည်ကြယ်စင်လေးများ ဆုံတွေ့ ကြတဲ့ ဒီနေ့ရဲ. လက်ဆုံ ဆွမ်းဝိုင်းလေးကိုဘဲ " ကြယ်တွေဆုံတဲ့ နေ့ " ရယ်လို့ တင်စားလိုက်ရပါတယ်။

စစ်သည်တော်လေးများ ကိုယ်စိတ်နှစ်ဖြာ ကျန်းမာ ချမ်းသာစွာဖြင့် တိုင်ပြည့်က ပေးအပ်လိုက်သော ပညာရေးတာဝန်များကို ကျေပွန်စွာ ထမ်းဆောင်နိုင်ကြပြီး၊ ဒီထက်မက လှူဒါန်းနိုင်ကြပါစေဟု ဆန္ဒပြုလျက်---

ပူနေးတောရ ရဟန်းတော်များ အားလုံး၏ကိုယ်စား
ကိုရင်အာယု (သီတဂူ)
ပူနေးတောရ

ပူနေးတောရ ပူနေးနွယ်ဝယ် သံဃာစဉ်စာရင်း

ကျွနုပ်သည် စာမေးပွဲများပြီး၊ ကျောင်းကြီးက ပိတ်ထားလေသောကြောင့်၊ တောကစားမသွားရသော မုတ်ဆိုးကျော် တွတ်ပီကဲ့သို့ ယောင်ချာချာ ဖြစ်နေတော့သည်တမုံ။

ဟိုစာအုပ်လှန် ဒီစာအုပ် ဟိုရွှေ့၊ နေမထိ ထိုင်မသာဖြစ်နေစဉ်၊ တစ်ခုသော ကျုန်ုပ်မှတ်စုစာအုပ်၏ တစ်ခုသော စာမျက်နာဝယ်၊ ဘကြီးဘုန်းဘုန်းမှ (ဦးဇဝန) ပြောပြသော ပူနေးတောရ ပူနေးနွယ်ဝင် ထေရ်အရှင်တို့၏ စာရင်းအား အမှတ်မထင် တွေရှိလေတော့သည်။

နောင်လာနောက်သားကျွန်ုပ်၏ သားသမီး မျိုးဆက်သစ်များ သိစေရန် သမိုင်းကို ပြောပြရပေတောမည်။ ထိုသို့ ပြောကြားရတွင် ပူနေးတောရအကြောင်းကို ရှေးဦးစွာ အနည်းငယ်မျှ တင်ပြရပါမူ ကောင်းလေစွ။
ပူနေးတောရကို (၁၉၄၈) ခုနှစ်က စတင်တည်ထောင်းပါသည်။ တည်ထောင်ခါစကတော့ ပုဏ္ဏတောရ နာမည်ရပါသည်။ မြေအကျယ်အဝန်းကတော့ ဧက (၄၀၀) ကျော်ကျယ်ဝန်းပေသည်။ ဌာနပေါင်း (၄၀) ကျော်နှင့် ဖွဲ့စည်းထားပါတယ်။ အရှေတိုင်းရဲ့ အောက်စဖိုဒ်ဆိုပြီး လူသိများပါသည်။ (ကိုယ့်တောရမို့ ကိုယ်ကြွားသည်)။
ပထမဆုံးသော vice chancellor of the University ကတော့
Dr. M. R. Jayaka ဖြစ်တယ်လို့ မှတ်သားရပါတယ်။ ယခုလက်ရှိ vice chancellor of the University ကတော့ ဗုဒ္ဓဘာသာတစ်ယောက်ဖြစ်ပါတယ်။ နာမည် မမှတ်မိတော့ဘူး။
အသေးစိတ်သိလိုက အောက်ပါလင့်တွင်ဖတ်နိုင်ပါသည်။ http://www.unipune.ac.in/university_files/university_history.htm

ဒီပူနေးတောရ၌ သီတင်းသုံး သာသနာပြု ဒေါက်တာဘွဲ့ ယူသွားကြသော မြန်မာနိုင်ငံမှ (ဟိုယခင် ဗာမား) ဆရာတော်များကတော့။
၁။ ဦးဃောသိတ -(မွန်) ဂျာမနီတက္ကသိုလ်တစ်ခုဝယ် စာပြ သာသနာပြုလျက်ရှိ။
၂။ ဦးကေဝလ (သီတဂူ) မုံရွာတောရ၌ သာသာနာပြုလျက်ရှိ။
၃။ ဦးကိတ္တိဗလ (သီတဂူ) စစ်ကိုင်းသီတဂူကမ္ဘာ့ဗုဒ္ဓတက္ကသိုလ် လက်ထောက်မော်ကွန်းထိန်း။
၎။ ဦးမာလာသိရီ (မွန်)
၅။ ဦးကိတ္တိသာရ (မုံရွာ)
၆။ ဦးအိန္ဒာစာရ (ကောလင်း) ရန်ကုန် မင်္ဂလာဒုံတွင်သီတင်းသုံးလျက်ရှိ
၇။ ဥတ္တမသိရီ (စစ်ကိုင်း ကျောက်ဆည်ရွာ)
၈။ ဦးဝိလာသ (ဧရာဝတီ)
၉။ ဦးပညာသီဟ (သီတဂူ) ရန်ကုန် သီတဂူကမ္ဘာ့ဗုဒ္ဓတက္ကသိုလ် ပညာရေးတာဝန်ခံ။
၁၀။ ဦးဝိစိတ္တ (ရခိုင်၊ ရမ်းဗြဲ)
၁၁။ ဦးကုမာရ (မကွေး)
၁၂။ ဦကဝိဓဇ (သီတဂူ) စစ်ကိုင်း သီတဂူ ကမ္ဘာ့ဗုဒ္ဓတက္ကသိုလ် ကထိက။
၁၃။ ဦးစန္ဒနသာရ (မတ္တရာ)
၁၄။ ဦးသုစရိတ (သီတဂူ) စစ်ကိုင်း သီတဂူ ကမ္ဘာ့ဗုဒ္ဓတက္ကသိုလ် ကထိက။
၁၅။ ဦးသုန္ဒရ (သီတဂူ) ရန်ကုန် သီတဂူကမ္ဘာ့ဗုဒ္ဓတက္ကသိုလ် အုပ်ချုပ်ရေးတာဝန်ခံ။
၁၆။ ဦးကုဝေရ (လှိုင်ဘွဲ.၊ ကရင်ပြည်)
၁၇။ ဦးအိန္ဒာစရိယ (သီတဂူ) စစ်ကိုင်း သီတဂူ ကမ္ဘာ့ဗုဒ္ဓတက္ကသိုလ် ကထိက။
၁၈။ ဦးရေဝတ (ရေစကြို့)
၁၉။ ဦးပညောဘာသ (သီတဂူ) မန္တလေး သီတဂူ ကမ္ဘာ့ဗုဒ္ဓတက္ကသိုလ် အုပ်ချုပ်ရေး တာဝန်ခံ။
၂၀။ ဥိးပညာသေဋ္ဌာလင်္ကရ (သီတဂူ) စစ်ကိုင်း သီတဂူ ကမ္ဘာ့ဗုဒ္ဓတက္ကသိုလ် ကထိက။
၂၁။ ဦးဝိရိယာနန္ဒာ၊ သန်လျှင် ကျောက်တန်း
====================
လက်ရှိ ဗိုင်ဗာ ထိုင်ရန် စောင့်နေကြသော မထေရ်များမှာ
၂၁။ ဦးဇဝန (ကူမဲ)
၂၂။ ဦးသုဇန (ကရင်)
၂၃။ ဦးသိရိန္ဒ (ဝက်လက်) တို့ဖြစ်ပါသည်။

ယခုလက်ရှိစရင်းသည် ပူနေးတောရမှ ဒေါက်တာဘွဲ့ယူပြီး ယူကြမည် သံဃာစရင်းသာဖြစ်ပါသည်။ (ကျန်ရှိကောင်း ကျန်ရှိနိုင်ပါသည်)
အမ်အေအောင်ပြီး အခြား (ဘုံဘေ၊ ဒေလီ) မြို့များသို့ ပျောင်းရွှေ သီတင်းသုံးသွားကြသော သံဃာများ၊ အမ်ဖီး လုပ်နေဆဲ သံဃာများ၊ အမ်အေ တက်နေဆဲ့ သံဃာများ လည်း များစွာ ရှိပါသည်။
ကျောင်းသားဟောင်းများမှ လည်းကောင်း၊ မွေးနေ့ မွေးရက်တို့၌ ဆွမ်းကပ်လို့သော ဒကာဒကာမများအနေဖြင့်လည်းကောင်း အာရုဏ်ဆွမ်း နေဆွမ်း နှစ်သက်ရာ ကပ်လှူနိုင်ပါသည်။

ကိုရင်အာယုကဲ့သို့ စပ်စုတာ ဝါသနာပါသော နောင်လာနောက်သားများအတွက် မှတ်တမ်းတင်လိုက်ရပေသည်။

ကိုရင်အာယု (သီတဂူ)
ပူနေးတောရ

စိတ်ကြည်လင်မှ တောင်းဆုပြည့်ပါသည်။ (ဖြစ်ရပ်မှန်ကို တင်ပြသည်)

(((အတိတ်၏ ခြေရာများ)))
ကဆုန်လပြည့် ဗုဒ္ဓနေ့ ရောက်တော့ ရွှေတိဂုံဘုရားကြီးကို သတိရမိသည်။ ကိုရင်ဘဝ ငယ်စဉ်က အတိတ်ရဲ. အရိပ်ပေါင်းများစွာ ဗဟန်းအရှေ့မုခ်မှာ ရှိခဲ့သည်။ ဥပုသ်နေ့ ကျောင်းပိတ်တော့ ရွှေတိဂုံဘုရားဖူးပြီး၊ ဗဟန်းဈေးကို တစ်ပါတ်လောက် ပတ်လိုက်ရမှ အိပ်ပျော်သယောင်ရှိခဲ့သည်။ ရွှေတိဂုံ အရှေ့မုခ် ဆိုသည်မှာ အံ့ဖွယ်တစ်ခုပင်ဖြစ်သည်၊ မြန်မာနိုင်ငံမှ တိုင်းရင်းသားပေါင်းစုံကို တွေ့မြင်နိုင်သည်။ အထူးသဖြင့် မွန်၊ ရခိုင်၊ ကရင်လူမျိုးများကို နေ့စဉ်နေ့တိုင်းတွေ့နိုင်သည်။ အာဇာနည်လမ်းတွင် ရခိုင်ဓမ္မာရုံရှိသောကြောင့် ရခိုင်တိုင်ရင်းသားတို့၏ ရိုးရာ တေးဂီတ သင်ကြား လေ့ကျင့်တီခတ်သံတို့ကို လမ်းလျောက်ရင်ကြားနိုင်သည်။ ဗဟန်းသုံးလမ်းဘက် လမ်းလျေက်ကြည့်ပါက ရှမ်း၊ ပအိုဝ် တိုင်းရင်သားတို့ကိုတွေ့နိုင်သည်။ ရှမ်းခေါက်ဆွဲဆိုင်များလည်း အများအပြားရှိသည်။ ခြင်္သေ့ကြီး နှစ်ကောင်းအနီးတွင် လက်ဘက်ခြောက်ရောင်းနေသော ရောင်စုံဝတ်ရုံကြီးများနှင့် ပလောင်အမျိုးသမီးကြီးများကို တွေရပြန်သည်။ မွန်တိုင်းရင်းသားတို့ကိုမှု ရေတာရှည်လမ်းသစ်တစ်လျောက်တွင် မွန်တို့ဌာနေ ရာမညတိုင် ဟုပင် ထင်မှတ်မှားနိုင်ပေသည်။ ဒီလို့နှင့် ဗဟန်းမှာ ဆယ်နှစ်ဟူသော အတိတ်တို့သည် ဘယ်မှာ မေ့ပျောက်နိုင်တော့အံ့နည်း။ ကဆုန်လပြည့်နေ့ ဆိုလျင် ဘုရားရင်ပြင်တော် အပြည့် သူတော်ကောင်းများ ညောင်ရေလောင်းကြတော့မည်။ မွန် ရခိုင် ကရင်တိုင်းရင်းသားတို့ ဝတ်စုံပြည် ညောင်းရည်လောင်းကြမည်။ အိုးစည် ဗုံမောင်း ချိန့်ချိန့်ညောင်းတော့မည်။ သည်သို့ သည်နှယ် အတိတ်ပုံရိပ်တို့အား ဝေးတမြေကနေ တူးဆွရင်×××××××
မနှစ်က ဒီလို့အချိန် ဒီနေ့မှာ ဘာတွေများ လုပ်နေမိပါလိမ့်။ မိမိအကြောင်း မိမိပြန်တွေးမိတော့သည်။
===========================
((((စိတ်၏သဘော))))
မန္တလေးတောင်ခြေ သီတဂူဗုဒ္ဓတက္ကသိုလ်ကြီး၏ ပညာသင်နှစ် တာဝန်တွေပြီးဆုံး၊တက္ကသိုလ်ကြီး ခေတ္တအနားယူချိန် (အနားယူချိန်ဆိုသော်လည်း ဦးတိလောက MA ကတော့ အနားမယူ အင်္ဂလိပ်စာသင်တန်းတွေဖွင့်နေဆဲ) မြွေရပ်ဌာနေ ဇာတိရွာလေးသို့ ပြန်ရောက်ခဲ့သည်။ အချို့သူငယ်ချင်းများ သီဟိုရ်သို့၊ တစ်ချို့က အိန္ဒိယသို့၊ MA ဘွဲ့အတွက်ပညာသင်သွားကြသည်။
သူများတွေ သွားတော့ သွားခြင်သည်၊ နိုင်ငံခြားပညာသင်ပိုးသည် သီတဂူ မရောက်ခင် ဓမ္မာစရိယ အောင်ကတည်းက ရှိခဲ့သည်။ အားမတန် မာန်လျှောခဲ့ခြင်းသာဖြစ်သည်။ သို့သော် တစ်နေ့နေ့ ဖြစ်ရမည်ဟု စိတ်အစဉ်ဝယ် အမြဲပွားများခဲ့ဘူးသည်။ သူများ MA ဆိုလျှင် ကိုလည်း MA လိုက်ခြင်သည်။ ခင်ဗျားကြီးတို့က နိုင်ငံခြား MA ဆိုတော့၊ ကျုပ်ကလည်း သီတဂူ BA ဗျ၊ ခပ်တည်တည်နေခဲ့သည်။ (ဒါကိုပင် အဘိဓမ္မာသဘောအရ မာန ဟုဆိုပါသည်၊ တရားထူးမရနိုင်ပါ)။
ရိုးရိုးသားသားပြောရပါမူ နိုင်ငံခြားသွားဘို့ရန် ပိုက်ဆံမရှိသောကြောင့် မသွားနိုင်ခြင်း၊ နိုင်ငံခြားသို့ ပညာသင်သွားလိုသည် ပိုက်ဆံပေးပါဟု ရဟန်းဒကာ ရဟန်းအမတို့အား မပြောရဲသော၊ မပြတ်သားသောစိတ် ကျွန်ုပ်၏ သန္တာန်ဝယ် တည်ရှိခြင်း၊ နိုင်ငံခြားမှ MA ယူခါ ပြန်လာသော သူငယ်ချင်းများကို မနာလို့ ဝန်တို့ဖြစ်ခြင်းတို့သာဖြစ်သည်။ ကျုပ်၏ အသုံးမကျသော စိတ်ဓါတ်တို့အား ပြောပြမိလေပြီးကော။ သည်လို့နှင့် နွေရာသီ ရွာပြန်ရောက်ခဲ့သည် ဆိုပါစို့။
============================
((((တောင်းဆုချွေခဲ့ပြီး))))
ကျွန်ုပ်၏ ရွာလေးသည်။ စစ်ကိုင်းတိုင်း အထက်ပိုင်း ချင်တွင်းမြစ် အရှေဘက်ကမ်း ခုနှစ်မိုင်အကွာ ဆီးဖြူတောင်တန်းကြီးများ၏ အကြားဝယ်တည်ရှိပါသည်၊ ကျွန်း ကညင် အင် စသော သစ်ကြီး ဝါးကြီးတို့ ပေါများ၏၊ သို့သော် ပိုက်ဆံရှားပါသည်။ လယ်လုပ် ထင်းခုတ် ပြီး အပူပင်ကင်းစွာ နေထိုင်ကြသည်။ ရွာမှ ငယ်ဆရာက ကျောင်းဆောင်များ ပြုပြင်ဆောက်လုပ်နေသဖြင့် ဘုရားစေတီဘက်ကို အလှည့်မပေးနိုင်ဖြစ်နေသည်။ စေတီကြီးမှာ (ကျွန်ုပ်ရွာမှ အကြီးဆုံးနှင့် တစ်ဆူတည်သော စေတီ) ထုံးသင်္ကန်တို့မရှိ မွဲခြောက်ခြောက်ဖြစ်နေတော့သည်။ ရွှေတိဂုံစေတီတော်ကို အမြဲဖူးခဲ့သူ ကျွန်ုပ်အဖို့ အဘယ်မှာ စိတ်ချမ်းမြေ့နိုင်ပါမည်နည်း။ ဆရာတော် အလှည့်မပေးနိုင်သည်ကို၊ အခွင့်ကောင်းယူကာ စေတီတော်ကို ထုံးသင်္ကန်ကပ်လှူလိုပါသည်ဟု၊ ဆရာတော်အားလျောက်ကြားပြီးသကာလ၊ ဂေါပက အဖွဲ့သို့ အလှူငွေ တစ်သိန်း (မန်းသီတဂူ တာဝန်ထမ်းဆောင်စဉ် ဆွမ်းစားကွမ်းစားများမှ စုထားသောဝတ္ထုတို့ဖြစ်ပါသည်၊ တစ်နှစ်လုံးစု သုံးသိန်းမပြည့်ခဲ့ပါ) လှူဒါန်းပြီး၊ မနက်ဖန် ထုံးသင်္ကန်ကပ်ပေးပါဟု တောင်းဆိုရပါသည်။ ရွာမှ ညီငယ် ညီမငယ်များက ဝိုင်းဝန်းပြီး သန့်ရှင်းရေးလုပ်၊ ထုံးသင်္ကန်ကပ်လှူပြီးသောအခါ၊ ပုံမှာ ဖူးမြင်ရသည့်အတိုင်း အလွန်သပ္ပါယ်လှတော့သည်။ ညီငယ် မောင်ဝင်းထွန်းမှ (ဦးဇင်း လပြည့်နေမှာ ဘိုးအိုး ဖွားအိုးတွေကို ထမင်းကြွေးမည် တပည့်တော်တို့ မောင်နှမတွေ လှူမယ်၊ ဦးဇင်းက ဘုရားကို ထုံးသင်္ကန်ကပ်တာဆိုတော့ တပည့်တော်တို့က ဆွမ်းလှူမာပေါ့၊ ပြီးတော့ အဖေ အမေတို့ကို အမျှအတန်းပေးဝေကြရအောင်) ဟု ပြောဆိုလေသည်။ ဘိုးအို ဖွားအို တို့အား ကြွေးမွေးခြင်း၊ အမျှအတန်းဝေခြင်းများ ပြုလုပ်ပြီးသော ကဆုန်လပြည့်နေ့ မနက် ကိုးနာရီခန့်အချိန် စေတီရင်ပြင်ဝယ် ပဋ္ဌာန်းပစ္စယနိဒ္ဒေသကို လမ်းလျောက်ရင် ရွတ်ဖတ်ပူဇော်နေမိသည်။ ထိုစဉ်အခိုက် ကျွန်ုပ်၏ စိတ်အစဉ်သည်လည်း အလွန်ကြည်လင်ခဲ့သည်ဟု ဆိုခြင်းပါသည်။ ဆုတောင်းခဲ့မိသည် """"""အရှင်ဘုရား ဖြစ်လေရာရာ သံသရာမှာ တပည့်တော်ဖြစ်ခြင်သော၊ ဖြစ်လိုသော၊ ဘဝတိုးတက်ရေး အတွက် ကောင်းမြတ်သော ဆန္ဒတွေ ပြည့်ဝရပါလို၏ဘုရား၊ ဘုရားတပည့်တော် ဆန္ဒတွေ မပြည့်ဝခဲ့လျှင်သော်မှ၊ ဘုရားတပည့်တော်၏ ညီအကို မောင်နှမများ စိတ်ချမ်းသာစွာ ဆန္ဒပြည့်နိုင်ပါစေဘုရား""""" အဘယ်ကြောင့် ဤသို့ ဆန္ဒပြုရသနည်းဟူမူ၊ ကျွန်ုပ်၏ ညီငယ်သည် (အမအပျိုးကြီးနှင့် ညီမငယ်ကို ငဲ့ကာ အိမ်ထောင်မပြုဘဲ လူပျိုကြီးလုပ်နေသူ ၊ အဖေ အမေတို့ မရှိကြတော့ပါ) ကျွန်ုပ်အား နိုင်ငံခြား ပညာသင်စရိတ်ကို ထောက်ပံ့လှူဒါန်းလိုသူဖြစ်သည်၊ သို့သော် သူပိုင်ဆိုင်သော မိဘလက်ရင်း လယ်ယာ ဆယ်တစ် ဧက ကျော်နှင့် နွားခြောက်ကောင်းအား ရောင်းချသော်မှ ဒေသပေါက်ဈေးအရ သိန်း (၃၀) မပြည့်နိုင်ပေ။ အဘယ်သို့လျှင် ကျွန်ုပ်ညီလေး၏ ဆန္ဒပြည့်ဝနိုင်ပါအံ့နည်း။
====================
(((တောင်းဆုတစ်ခု ပြည့်ခဲ့ပြီ)))

မိုးဦးပေါက်လို့ သလ္လာဝတီ ချင်းတွင်မြစ်ကြီးလည်း ပြန်လည်နိုးထလာပြန်သည်၊ ကျွန်ုပ်လည်း တာဝန်ထမ်းဆောင်ရန် မန်းသီတူဂူသို့ ပြန်လည်ချီတက်ခဲ့ရပြန်ချေပြီး။ ကျောင်းသားသစ်များ လက္ခံခြင်းအလုပ်ကို မန္တလေးသီတဂူ လက်ထောက်တာဝန်ခံဆရာတော် ဦးကာရုည MA (အာလုံးအတွက် အနှစ်နာခံသူ) မှ တာဝန်ယူ လုပ်ကိုင်းနေသဖြင့် ထွေထွေထူးထူး လုပ်စရာမရှိ၊ တောင်ပေါ်လမ်းလျောက်လိုက်၊ အင်တာနက်သုံးလိုက်ဖြင့်သာ အချိန်ကုန်ခဲ့သည်။ ထို့ကြောင့်ပင် ဝါမဆိုခင်၊ တာဝန်တွေ မလာခင်၊ ဦးပဇ္ဈာယ် ဆရာတော်ဖြစ်သော ယောဆရာတော်ကြီးကို ဖူးမြင်ရန်နှင့် ရဟန်းဒကာ၊ ရဟန်းအမများအားတွေ့ဆုံရန် ရန်ကုန်သို့ ဆင်းခဲ့သည်။ ရန်ကုန်ရောက်ပြီး သုံးရက်မြောက်နေ့ ဘယ်တော့မှ ဖူးမြင်လို့ မဝသော ရွှေတိဂုံ စေတီတော်ကြီးကို ပဋ္ဌာန်ရွတ်ဖတ် ပူဇော်ပြီး၊ အာဇာနည်လမ်း သွေးဆေးကန်းလမ်းကြားမှ တဆင့် ရေတာရှည် လမ်းသစ်သို့ အရောက်တွင် ဖုံးမြည်လာသည်၊ မန်းတလေးသီတဂူ တာဝန်ခံဆရာတော်၏ ဖုံး "(ဟလို-- ဦးအာယုလား -- တပည့်တော်ယခု ပညာရေးအစီအဝေးပွဲရှိလို့ စစ်ကိုင်း သီတဂူရောက်နေတယ်၊ အဲဒါ သီတဂူဆရာတော်ကြီးက ဦးသုစိတ္တ (ရန်ကုန်သီတဂူ) နှင့် တပည့်တော်ကို အိန္ဒိယပညာတော်သင် စကောလားရှစ်ပေးတယ်၊ တပည့်တော်တော့ မသွားလိုဘူး၊ အရှင်ဘုရားသွားမလား၊ သွားမယ်ဆို စရင်ထည့်လိုက်တော့မယ်)" ဟု မိန့်လေသည်။ အံအားသင့်စွာဖြင့် ("မှန်ပါ့") ဟု တစ်လုံးတည်သာ ပြောလိုက်မိသည်။ စကောလာရှစ် ဆိုပါလား----- ကျွန်ုသည် သီတဂူဆရာတော်ကြီးအနားသို့ မပေါက် မရောက် အညတြရ တစ်ယောက်သာဖြစ်ခဲ့သည်။ အထူးအဆန်းတော့ မဟုတ်ပါပေ၊ လမင်းကြီး၏ ဘေးဝယ် PhD, MA ဂုဏ်တို့ဖြင့် တောက်ပသော ကြယ်များစွာ အမြဲဝိုင်းရံနေခဲ့သည်။ မတောက်ပခဲ့ပေမဲ့ ကျရာတာဝန်ကိုတော့ ကျေပွန်စွာဖြင့် ပိုးစုန်းကြူးအလား ကိုယ်ပိုင် အလင်းနှင့် ကိုယ်ပိုင်းအားနှင့် ထမ်းဆောင်ခဲ့ပါသည်။ သီတဂူသို့ လာကတည်းက ဆရာတော်ကြီး၏ သာသနာ့အကျိုးပြု၊ နိုင်ငံနှင့် လူမျိုးအကျိုးပြု လုပ်ငန်းများဝယ် ကျရာတာဝန်မှ အုတ်တစ်ချပ် သဲတစ်ပွင့် အဖြစ် မိမိကိုယ့်မိမိ ခံယူခဲ့သည်။ မိမိကိုယ်တိုင်းလည်း လမင်းကြီးအနားက နာမည်မရှိတဲ့ ကြယ်တစ်လုံးအဖြစ်ကို ဂုဏ်ယူခဲ့သည်။
ယခုအခါဝယ် ဘဝဘဝက ပြုခဲ့သော ကောင်းမူတို့၏ အကျိုးကို ခံစားနေပါပြီး၊ အထူးသဖြင့် ယမန်နှစ်က ရွာဦးစေတီကို ထုံးသင်္ကန်း ကပ်လှူခဲ့သော စေတနာ၏ အထောက်အပံ့ကြောင့် သီတဂူ အဓိပတိ ဆရာတော်ကြီး၏ ပညာရေးအထူးစီမံကိန်းဝယ် သီတဂူသံဃာ့ ဝန်ဆောင်ဆရာတော်များနှင့် သီတဂူပညာရေးတာဝန်ခံဆရာတော်များမှ ပေးအပ်သော စကောလာရှစ်ကို ရရှိပြီး၊ ဓမ္မာစရိယပြီးကတည်းက ရည်မှန်းခဲ့ဘူးသော၊ အခြေအနေ အကြောင်းကြောင်းကြောင့် မရောက်ခဲ့ရသော၊ နိုင်ငံခြားပညာသင် ကိစ္စကြီးကို အကောင်းအထည် ဖေါ်နိုင်ပါပြီး။
ကျွန်ုပ်၏ ညီလေးသည်လည်း သူ၏အစ်ကိုတစ်ယောက် နိုင်ငံခြားမှ MA ဘွဲ့ကြီးဖြင့် ပြန်လာမည့် တစ်နေ့ကို မျော်နေရှာရော့ မည်။ စိတ်ချမ်းသာစွာဖြင့် ဆန္ဒတွေ ပြည့်ခဲ့ကြပြီးကော။။။။
===========
စကားတစ်ခွန်းပြောလိုသည် (ညီငယ်ညီမငယ်များ ကျရာတာဝန်ကို စေတနာအပြည့်အဝဖြင့် လုပ်ဆောင်ကြပါ၊ သင်တို့၏စေတနာ တစ်နေ့ သင်တို့အား တံခါးလာခေါက်ပါလိမ့်မည်)
========

((သီတဂူအဓိဋ္ဌာန်))
ငါတို့ဖြစ်ရ
ဤလောကဝယ်
ဘဝသမိုင်း
မရိုင်းစေရန်
စိတ်မာန်မချ
မာနမပါ
တို့စွမ်းရာဖြင့်
တို့သာသနာ
တို့ပြည်ရွာကို
သာယာစေမူ
လုံးလပြုအံ။

မေတ္တာစိတ္တေန
ကိုရင်အာယု (သီတဂူ)
ပူနေးတောရ
(၂၄.၀၅.၂၀၁၃ ညသန်းခေါင် ၁၂ နာရီခွဲ အချိန်)

မှားမှား မှန်မှန် မေတ္တာပွားနိုင်ပါစေ

  သူမှန်နေရင်လည်း ၀မ်းသာလိုက် သူမှားနေရင်လည်း သနားလိုက် မှားမှား မှန်မှန် မေတ္တာပွားနိုင်ပါစေ။  

 (ရွှေဥမင်ဆရာတော်) 

Be glad or rejoice, if he is right. Be pity or sympathies, if he is wrong.

what happen they are, you must be kind and love upon the begins. 

(ကိုရင်အာယု၏ တစ်ဦးနှစ်ဦးသော နိုင်ငံခြားသူငယ်ချင်းများအတွက် ကြိုးစား၍ ရိုးသားစွာ ဘာသာပြန်ဆိုပါသည်၊ အမှားတွေ့က ခွင့်မလွတ်ပါနှင့် ထောက်ပြ ဆုံးမတော်မူကြပါ)

ပူဏေးမှာ ငါးလ ကြာသောအခါ

post မတင်ဖြစ်တာ တော်တော်ကြာပါပြီး။ လေးလကျော်သွားပြီးဆိုပါတော့။ ကျောင်းစာတွေရေးလိုက် ဖတ်လိုက် စာမေးပွဲဖြေလှိုက်နှင့် လေးလဆိုတဲ့ကာလဟာ ကုန်မှန်းမသိ ကုန်လွန်ခဲ့ပါတယ်။ ကုလားပြည်မှာ ပျော်လွန်းလို့ ရက်တွေကုန်သွားခြင်းတော့ မဟုတ်ပါ။ အမှန်အတိုင်ဝန်ခံရပါလျှင် စာမေးပွဲကျမှာ ကြောက်လို့ဘဲ အချိန်တွေကုန်သွားတာ မသိလိုက်တာပါ။ 

ပူနေးတက္ကသိုလ်မာတော့ (တစ်ခြားသော အိန္ဒိယတက္ကသိုလ်တွေတော့ မပြောတတ်ပါ) ပထမ တစ်လ ကျောင်းတက်ပြီးတာနှင့်ဒုတိယလနှင့် တတိယလတွေ ဟာ စားမေးပွဲကိစ္စတွေ စားရေးရခြင်းကိစ္စတွေနှင့် အချိန်ကုန်သွားပါတယ်။

၁။ ဆရာသင်သမျှတွေထဲက ကောက်နုတ်ချက်တွေနှင့် ကျောင်းသားအိုင်ဒီယာပေါင်းစပ်ပြီး (topic) ခေါင်းစဉ်တစ်ခုလုပ်ကာ အင်္ဂလိပ်စာလုံးရေ (၃၅၀၀) ကျော်သော စာတမ်းတစ်ခုရေးရပါတယ်။ subject က (၅) ခုဖြစ်တော့ ငါးစောင်ရေးရပါတယ်။  အဲဒီလို့ရေးတဲ့ အခါမှာ ကျမ်းစာအထောက်အထား (ဝါ) ကျမ်းညွန်း (Reference) အနည်းဆုံး (၁၀) ခု ပါအောင်ရေးရပါတယ်။

အဲဒီစာတမ်းကို တစ်ချိုက (tutorial) တစ်ချို့ (assignment) ဆိုပြီး ပြောဆိုပါတယ်။ 

မှတ်ချက်=== တစ်စောင်တစ်စောင်အတွက် (ကောင်းမွန်စွာ အချက်အလက်ပြည့်စုံစွာ စည်းကမ်းချက်တွေနှင့်အညီ ရေးနီုင်ပါက) (၁၅) မှတ်ရမာဖြစ်ပါတယ်။

၂။ presentation and Discussion ခေါ်သော စာလုံးရေ (၁၅၀၀) ပါသော စာတမ်းတစ်ခု ရေးရပါတယ်။ (presentation) အတွက်ဖြစ်ပါတယ်။ ဒါကတော့ ကျောင်းသားတွေနှင့် ဆိုင်ရာဆရာရှေမှာ ဖတ်ပြရမာဖြစ်ပါတယ်။ ကျောင်းသားတွေနှင့် ဆရာကိုလည်း (copy) တစ်ခုစီ ဝေးထားရပါတယ်။ ကိုယ်စာတမ်းနှင့်ပတ်သက်ပြီးတော့ ကျောင်းသားတွေနှင့် ဆရာရဲ. မေးခွန်းတွေကို ဖြေနိုင်အောင်လည်း ကြိုတင်ပြင်ဆင်ထားရပါမယ်။

မှတ်ချက်=== (ကောင်းစွာတင်ပြနိုင်က (၁၅) မှတ်ရမာဖြစ်ပါတယ်။) ဒါကလည်း ဘာသာငါးခုအတွက် (၅)စောင်ရေးရပါတယ်။

၃။ Oral exam နုတ်ဖြေစာမေးပွဲဖြစ်ပါတယ်။ ဆရာက မေးခွန်းငါးခုကို မေးပါတယ်၊ မေးခွန်းတစ်ခုအတွက် (၂)မှတ်နှုံးနှင့် (၁၀)မှတ်ဖြစ်ပါတယ်။ ဖြေခါနီ နှစ်ရက်အလိုလောက်မှ ဆရာကပြောပါတယ် ဘယ်နေ့ အော်ရယ် ရှိတယ်ဆိုတဲ့အကြောင်းပေါ့ (ကြိုတင်ဖတ် မှတ်ထားဖို့ လို့ပါတယ်)။

၎။  Internal exam သို့မဟုတ် written exam လို့လည်းခေါ်ပါတယ်၊ ဆရာက ပုစ္ဆာနှစ်ခုကိုမေးပါတယ်။ တစ်ခုကို (၅)မှတ်ဖြစ်ပါတယ်။ စာလုံးရေ (၁၀၀) လောက်နှင့် ရှင်းပြရတဲ့ ပုစ္ဆာမျိုးဖြစ်ပါတယ်။ ဖြေဆိုချိန် (၁) နာရီဖြစ်ပါတယ်။ မေးခွန်းစတိုင်က (explain reference and contact) ဆိုပြီး လာလေ့ရှိပါတယ်။ ဒီလေးခု ဖြေပြီးရင် စာသင်ချိန် သုံးလကုန်သွားပါပြီး။ ကျောင်း (၁၀)ရက် ပိတ်ပြီးတော့ နောက်ဆုံးစာမေးပွဲအတွက် ပြင်ဆင်ရပါတယ်။

မှတ်ချက်= အထက်ပါ လေးခုဟာ အမှတ် (၅၀)ဖိုးဖြစ်ပါတယ်။ ကောင်းမွန်စွာ ဖြေဆိုနိုင်ခဲ့ပါက၊  နောက်ဆုံးစာမေးပွဲ မဖြေခင်ကတည်းက စာမေးပွဲအောင်နေပါပြီ။။

၅။ Final exam သို့မဟုတ် Semester တစ်ခုရဲ. နောက်ဆုံး စာမေးပွဲဖြစ်ပါတယ် အမှတ် (၅၀) ဘိုးပါ။ တစ်ချိုဘာသာတွေက (၄) ပုစ္ဆာ၊ တစ်ချိုဘာသာတွေက (၅) ပုစ္ဆာ စသည်သည်ဖြင့်၊ တစ်ချို့လည်း မေးခွန်း (၇)ခုထဲကမှ နှစ်သက်ရာ (၅) ခုကို ဖြေဆိုရတဲ့ မေးခွန်းမျိုးလည်း ပါပါတယ်။ ဆရာတစ်ယောက်နှင့်တစ်ယောက် မတူကြပါဘူး။ တစ်ပုစ္ဆာကို အနည်းဆုံး Legal paper (၃) မျက်နာကျော်ခန့် ရေးသားနိုင်ရပါမယ်။ ဖြေဆိုချိန် (၃) နာရီဖြစ်ပါတယ်။ များစွားလေ့ကျင့်ဖို့ လိုပါတယ်။ (တစ်ခြားသော ဘာသာပြန်မေးခွန်းများ ကတော့ မေးသလောက် ရေးရပါတယ်)

ဒီစာမေးပွဲပြီးရင်တော့ ကျောင်း တစ်လခန့်ပိတ်ပါတယ်။

ဗုဒ္ဓဂါယာ ကျောင်းသားပွဲ သွားနိုင်တယ်။ ပူနေးတစ်ဝိုက်က ဗုဒ္ဓဘာသာ ထေရဝါဒဂိုဏ်သားများ နေထိုင်းသီတင်းသုံးသွားခဲ့တဲ့ ရှေးဟောင်း လှိုင်ဂူကြီးများကို လေ့လာနိုင်ပါတယ်။ လှိုင်ဂူပေါင်း များစွာရှိတယ်လို့ ဒေသခံများက ပြောပါတယ်။

လေ့လာလို့သူ ညီငယ်ရဟန်းတော်များအတွက် ပညာပြန့်ပွား အကျိုးများဖို့ စာရေးသူ လေ့လာခဲ့သော (MA Buddhist studies) ပထမစာမေးပွဲမှ ဘာသာရပ်များကို ဖေါ်ပြလိုက်ပါတယ်။ 

SEMESTER I

Compulsory Papers

BL: Paper I.1 History of Pali Language and Literature

BL: Paper I.2: Study of Particular Pali Texts: Dhammapada and Suttanipata

BL: Paper I.3: Rise and Development of Buddhism up to the Ashokan Period

BL: Paper I.4: Milindapanho: Bahirakatha to Nibbanavagga (p. 1 to 73)

မူရင်းကတော့ လေးခုပါ သို့သော် Paper 1.2 မှ ဓမ္မပဒ နှင့် သုတ္တနိပါတ တစ်ခုစီပြန်ကွဲသောကြောင့် (၅) ဘာသာဖြစ်သွားပါတယ်။။ 

=================================

ဒုတိယပါတ် စာသင်ချိန်မာတော့ အောက်ပါ ဘာသာရပ်များကို လေ့လာရမာဖြစ်ပါတယ်။

SEMESTER II

Compulsory Papers

BL: Paper II.1: History of Sanskrit Buddhist Literature

BL: Paper II.2: Study of Earlier Sanskrit Buddhist Texts: Mulasarvastivadavinaya-vastu,

Mahavastu, Lalitavistara, Divyavadana

BL: Paper II.3: Development of Buddhism in India, after the Ashokan period up to the

12th Century

BL: Paper II.4: Sanskrit Buddhist Literature: Gandavyuhasutra, Lankavatarasutra,

Samadhirajasutra, Suvarnaprabhasasutra

 ညီငယ်များ သုတများပြား ပညာပွားကြပါစေ။။။

 ကိုရင်အာယု (မန်းသီတဂူ)

၀၄.၁၂.၂၀၁၂